Ուկրաինան ստացել է զոհված զինվորականների մարմիններ
Ուկրաինական կողմին են փոխանցվել Ուկրաինայի Զինված ուժերի 99 զոհված զինվորականների մարմինները: Այս մասին հայտնում է RBC-ն՝ վկայակոչելով ուկրաինական համակարգող շտաբը։
Նշվում է, որ նրանց մեծ մասը՝ 77 մարդ, զոհվել է Դոնեցկի ուղղությամբ մարտերում, 20-ը՝ Զապորոժիեում և երկուսը՝ Խարկովում։
Փետրվարին Պետդումայի պատգամավոր Շամսաիլ Սարալիևը հայտնել էր, որ ուկրաինական կողմը Ռուսաստանին է հանձնել 61 զինծառայողի աճյուն: Ռազմագերիների հետ վարվելու հարցերով Ուկրաինական շտաբի տվյալներով՝ Մոսկվան Կիևին է վերադարձրել 58 դի։
Հունվարի վերջին ՌԴ պաշտպանության նախարարությունը հայտարարել էր, որ Ռուսաստանն Ուկրաինական գերությունից վերադարձրել է 195 ռուս զինծառայողի՝ Ուկրաինային հանձնելով այդ երկրի զինված ուժերի 195 մարտիկի:
2023 թվականի նոյեմբերին Սարալիևը հայտնել էր, որ ՌԴ ՊՆ-ն հասել է 80 ռուս զինծառայողների մարմինների վերադարձին։
