Մերձավոր Արևելքում իրավիճակը սրվում է ամեն րոպե. մի շարք պետություններ կոչ են արեն սահմանափակել այցելություններն Իսրայել
Լարվածությունը Մերձավոր Արեւելքում սկսել է սրվել անցած գիշեր։ Այս մասին տեղեկացրել է Al Jazeera հեռուստաալիքը։
Այսօր առավոտյան Իսրայելը մի քանի օդային հարվածներ է հասցրել Լիբանանի հարավարեւելյան հատվածին, որը «Հեզբոլլահի» հենակետերից մեկն է։ Առայժմ հայտնի չէ, թե կան արդյոք զոհեր, բայց Իսրայելը մոտ հինգ ավիահարված է հասցրել։
Իրավիճակը սրվում է ամեն րոպե, բոլորը սպասում են,թե որն է լինելու հաջորդ քայլը։ Բոլորը սպասում են Իրանի հատուցմանը Դամասկոսում իր գեներալների սպանության համար, նշել է հեռուստաալիքը։
Մի շարք պետություններ կոչ են արեն սահմանափակել այցելություններն Իսրայել։
Վաշինգտոնը Իսրայելում ԱՄՆ դեսպանատան աշխատակիցներին և նրանց ընտանիքների անդամներին կարգադրել է սահմանափակել տեղաշարժը և չճանապարհորդել Թել Ավիվի և Երուսաղեմի սահմաններից դուրս։
Մեծ Բրիտանիան ևս նախազգուշացրել է «Իսրայելի վրա Իրանի հարձակման հնարավորության մասին» և իր քաղաքացիներին զգուշացրել Իսրայել մեկնելու վտանգների մասին:
Իրան, Իսրայել և ընդհանուր առմամբ մերձավորարևելյան տարածաշրջան այցելությունները սահմանափակելու կոչերով են հանդես եկել նաև Գերմանիան, Ֆրանսիան, Հնդկաստանը, Ռուսաստանը, Կանադան և այլ երկրներ:
