Երիտասարդների մոտ կեղծ 100-դոլարանոցներ են հայտնաբերվել
Երևանում կեղծ դոլարներ իրացնելու կասկածանքով 2 երիտասարդներ են ձերբակալվել։ Այս մասին հայտնում է ՀՀ ՆԳՆ ոստիկանության մամուլի ծառայությունը:
«ՆԳՆ ոստիկանության Երևան քաղաքի վարչության քրեական հետախույզները, իրացնելով օպերատիվ տվյալները, ապրիլի 10-ին Արցախի պողոտայի շենքերից մեկի մոտ հայտնաբերել, կեղծ թղթադրամներ ձեռք բերելու, պահելու և իրացնելու կասկածանքով ձերբակալել ու ոստիկանության Շենգավիթի բաժին են տեղափոխել Աշտարակ քաղաքի՝ 27 և Բուժական գյուղի՝ 28 տարեկան երկու երիտասարդի: Խուզարկությամբ աշտարակցի երիտասարդի մոտ հայտնաբերվել է չորս կեղծ 100-դոլարանոց»,– ասված է հաղորդագրությունում
Հետագա միջոցառումներով պարզվել է, որ նրանք ապրիլի 8-ին Երևանի տոնավաճառներից մեկի մոտ իրացրել են կեղծ 800 դոլար։
Կազմված փաստաթղթերն ուղարկվել են նախաքննական մարմին:
