![Կանենք ամեն ինչ, որպեսզի նման բան այլևս չկրկնվի․ Նեթանյահու](https://auroranews.am/storage/img/base_image/2024-04-02/660c00b016673.webp)
Կանենք ամեն ինչ, որպեսզի նման բան այլևս չկրկնվի․ Նեթանյահու
![Կանենք ամեն ինչ, որպեսզի նման բան այլևս չկրկնվի․ Նեթանյահու](https://auroranews.am/storage/img/base_image/2024-04-02/660c00b016673.webp)
Իսրայելի վարչապետ Բենիամին Նեթանյահուն Գազայի հատվածում մարդասիրական աշխատողների մահվան կապակցությամբ խոստովանել է, որ զինվորականները «ակամա» հարձակվել են պաղեստինյան անկլավի խաղաղ բնակիչների վրա և վստահեցրել, որ նման միջադեպեր չեն լինի ապագայում։
«Ցավոք, վերջին օրը տեղի ունեցավ ողբերգական դեպք, երբ մեր ուժերը չմտածված հարվածեցին Գազայի հատվածում անմեղ մարդկանց: Պատերազմի ժամանակ նման բաներ պատահում են:
Մենք մանրակրկիտ ստուգում ենք դեպքը, կապի մեջ ենք կառավարությունների հետ և կանենք ամեն ինչ, որպեսզի նման բան այլևս չկրկնվի»,- հայտարարել է վարչապետը։
Հայտարարությունն արվել է հիվանդանոցից դուրս գրվելուց հետո, որտեղ Նեթանյահուն ընդհանուր անզգայացմամբ վիրահատություն է կատարել:
Ավելի վաղ World Central Kitchen միջազգային ոչ առևտրային կազմակերպությունը հայտնել էր, որ իր յոթ աշխատակիցները, այդ թվում՝ Լեհաստանի, Ավստրալիայի և Մեծ Բրիտանիայի քաղաքացիներ, սպանվել են Գազայում իսրայելական բանակի կողմից։