ՏԵՍԱՆՅՈՒԹ․ Ղրիմում երկաթուղու վրա ահաբեկչություն են նախապատրաստել, այն կանխվել է․ մանրամասներ

Ղրիմում ահաբեկչություն է կանխվել։ Ձերբակալվել է ուկրաինական հատուկ ծառայությունների գործակալ, որը պատրաստվում էր հրկիզել երկաթուղու ռելեի պահարանը ռազմական փոխադրումները խափանելու համար։ Այս մասին այսօր հայտնել է ՌԴ ԱԴԾ-ն։

«Սիմֆերոպոլում անցկացված միջոցառումների արդյունքում ձերբակալվել է 1999 թվականին ծնված Ռուսաստանի քաղաքացի, որն ուկրաինական հատուկ ծառայությունների հանձնարարությամբ նախապատրաստվում էր ահաբեկչական գործողություն իրականացնել` հրկիզելով «Ղրիմի երկաթուղի» պետական ձեռնարկության ռելեային պահարանը՝ ռազմական փոխադրումները խափանելու նպատակով»,– ասված է հաղորդագրության մեջ:

Հաղորդվում է, որ ձերբակալվածից առգրավվել են ինքնաշեն հրկիզող սարքեր և կապի միջոցներ, որոնք պարունակում են նամակագրություն ուկրաինացի համակարգողի հետ:

Հարուցվել է քրեական գործ ահաբեկչության նախապատրաստման վերաբերյալ։

Փաստաթղթավորվում է նաև մի կնոջ մասնակցությունը պետական դավաճանությանը։ Ռուսաստանի քրեական օրենսգրքի 275-րդ հոդվածն այդ հանցանքի համար ընդհուպ մինչև ցմահ ազատազրկում է նախատեսում:

Հրապարակվել է տեսանյութ՝ ինչպես է ՌԴ ԱԴԾ-ն Ղրիմում ձերբակալել է 24-ամյա ռուս կնոջ, որը ահաբեկչություն էր նախապատրաստում երկաթգծի վրա