Թուրքիայում տղամարդը դատապարտվել է 2.5 տարվա ազատազրկման՝ կատվի դաժան սպանության համար

Ստամբուլի դատարանը տեղի բնակիչ Իբրահիմ Քելողլանին դատապարտել է երկուսուկես տարվա ազատազրկման՝ Էրոս անունով փողոցային կատվին սպանելու համար։ 

Սա ռեկորդային պատիժ է Թուրքիայում կենդանիների նկատմամբ դաժան վերաբերմունքի համար։

Տղամարդը տան մուտքի մոտ ոտքերով դաժան ծեծի է ենթարկել կատվին, ինչից հետո կենդանին սատկել է: Նրան սկզբում ցանկանում էին ավելի թեթեւ պատիժ սահմանել, սակայն տեղի բնակիչները դուրս էին եկել բողոքի ակցիայի դատարանի շենքի դիմաց։

Նշվում է, որ կատվի դաժան սպանությունը ցնցել է Թուրքիայի բնակչությանը, որոնք կատուներին մեծ խնամքով ու հարգանքով են վերաբերվում: Հարցին միջամտել է նաև երկրի նախագահ Ռեջեփ Էրդողանը: