Շվեդիան խոստանում է հարգել ՆԱՏՕ–ի արժեքները և կիսել պարտավորությունները. Շվեդիայի վարչապետ
Շվեդիան պաշտոնապես դարձել է ՆԱՏՕ-ի անդամ և խոստանում է հարգել դաշինքի արժեքները և կիսել պարտավորությունները: Այս մասին հայտնել է վարչապետ Ուլֆ Քրիսթերսոնը, գրում է РИА Новости–ն։
«Շվեդիան այժմ ՆԱՏՕ-ի անդամ է: Շնորհակալություն բոլորիդ, դաշնակիցներ, որ ողջունեցիք մեզ որպես 32-րդ անդամ: Մենք կձգտենք միասնության, համերաշխության և համատեղ պատասխանատվության, և հարգելու ենք Վաշինգտոնի պայմանագրի արժեքները»,- գրել է նա X սոցիալական ցանցերում X:
Նա նաև հայտարարել է, որ ՆԱՏՕ-ի գլխավոր քարտուղար Յենս Ստոլտենբերգը պաշտոնական հրավեր է ուղարկել Շվեդիային՝ միանալու Հյուսիսատլանտյան դաշինքին։
Ավելի վաղ ԱՄՆ Պետդեպարտամենտը հայտարարել էր, որ Շվեդիայի՝ ՆԱՏՕ-ին միանալու մասին արձանագրությունն ուժի մեջ է մտել։
