Մեդվեդևը՝ Զելենսկու ժամանման պահին տեղի ունեցած պայթյունի մասին

Ռուսաստանի Անվտանգության խորհրդի ղեկավարի տեղակալ Դմիտրի Մեդվեդևը, մեկնաբանելով Օդեսայում Վլադիմիր Զելենսկու ավտոշարասյան վրա ենթադրաբար հարվածելու մասին տեղեկատվությունը, իր Telegram ալիքում ասել է, որ եթե նման նպատակ դրվեր, ապա այն կիրագործվեր։

Ավելի վաղ ամերիկյան CNN հեռուստաալիքը, վկայակոչելով իր աղբյուրը, հայտնել էր, որ Օդեսայում պայթյունը տեղի է ունեցել Վլադիմիր Զելենսկու և Հունաստանի վարչապետ Կիրիակոս Միցոտակիսի ավտոշարասյունից 500 մետր հեռավորության վրա: ՌԴ ՊՆ-ն իր հերթին հայտնել է, որ ռուսական զինված ուժերը բարձր ճշգրտության հրթիռային հարված են հասցրել Օդեսայում գտնվող անգարին, որտեղ պատրաստվում էին Ուկրաինայի զինված ուժերի առանց հսկողության մոտորանավակները:

«Ամեն ինչ ակնհայտ է բոլորի համար: Եվ այն, որ Օդեսայում ոչ մի հարձակում չի եղել ավտոշարասյան վրա, և այն, որ եթե թիրախը դրված լիներ, նրանք կհարվածեին»,- գրել է Մեդվեդևը:

«Եվ այն, որ արյունոտ ծաղրածուն իր տիրոջ կոկաինային ստվերն է, կույր հակառուսական զենք, և այն, որ սկզբունքորեն կարևոր չէ, թե ով է զբաղեցնում նեոնացիստական ​​ռեժիմի առաջնորդի պաշտոնը։ Բայց դա դեռ մի տեսակ նյարդայնացնում է։ Ափսոս, որ նրանք հաստատ հայտնվեցին նախապես պլանավորված վայրում»- հավելել է Մեդվեդևը։