ՏԵՍԱՆՅՈՒԹ․ Պեսկովն ասել է, թե որ դեպում Ռուսաստանը միջուկային զենք կկիրառի
Ռուսաստանը հավատարիմ է միջուկային զենքի վերաբերյալ իր դոկտրինին, որտեղ այն մեկնաբանվում է որպես «հրաժեշտի զենք»: Այն կկիրառվի միայն երկրի գոյության սպառնալիքի դեպքում: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
«Ինչ վերաբերում է մեզ, ապա այն ամենը, ինչ վերաբերում է միջուկային զենքին, մեզ մոտ շարադրված է համապատասխան դոկտրինում։ Եվ կրկին, եթե հեռանաք իրավական լեզվից, այնտեղ դա մեկնաբանվում է որպես «հրաժեշտի զենք»: Եթե ինչ-որ բան սպառնում է մեր երկրի գոյությանը, ապա՝ միջուկային զենք: Բացի այդ, ոչ մի կերպ հնարավոր չէ անպատասխանատու կերպով խոսել այդ մասին։ Եվ ահա ես դրանում համոզված եմ», - ասել է նա
