ՏԵՍԱՆՅՈՒԹ. Ուկրաինան հայտարարել է ռուսական կործանիչ խոցելու մասին. հրապարակվել է Սու-34-ի ընկելու պահը
Ուկրաինայի ԶՈւ օդային ուժերի հրամանատարությունը մարտի 2-ին հայտարարել է նախօրեի առավոտյան ռուսական ևս մեկ Սու-34 կործանիչ ոչնչացնելու մասին: Այս մասին հայտնում է Deutsche Welle-ն՝ հղում անելով ուկրաինական օդուժի տեղեկատվությանը:
Հաղորդագրությունում, մասնավորապես, նշվում է, որ արևելյան ուղղությամբ ոչնչացվել է հակառակորդի Սու-34 կործանիչ-ռմբակոծիչը, որը փորձել է կառավարվող ավիառումբերով հարվածներ հասցնել ուկրաինական դիրքերին:
Ուկրաինայի զինվորականների հաղորդած տեղեկությունների համաձայն՝ վերջին երկու շաբաթվա ընթացքում խոցվել է ռուսական 12 ռազմական ինքնաթիռ, որից 9-ը՝ Սու-34։
Նշենք նաև, որ ուկրաինական թելեգրամյան ալիքներում դեպքից կադրեր են հրապարակվում:
