ՏԵՍԱՆՅՈՒԹ. Նավալնիի մայրը տեսաուղերձով դիմել է Վլադիմիր Պուտինին

Ռուս ընդդիմադիր գործիչ Ալեքսեյ Նավալնիի մայրը տեսաուղերձով դիմել է ՌԴ նախագահ Վլադիմիր Պուտինին՝ որդուն «մարդկայնորեն հուղարկավորելու» խնդրանքով: 

Տեսանյութը նկարահանվել է Խարփ գյուղի «Բևեռային գայլ» թիվ 3 ուղղիչ գաղութի ֆոնին։ Լյուդմիլա Նավալնայան պահանջել է որդու մարմինը հանձնել իրեն։

«Հինգերորդ օրն է՝ չեմ կարող տեսնել նրան, չեն տա ինձ նրա մարմինը և չեն էլ ասում, թե որտեղ է նա։ Ես դիմում եմ ձեզ` Վլադիմիր Պուտին: Հարցի լուծումը կախված է միայն ձեզանից։ Թույլ տվեք, վերջապես, տեսնեմ որդուս։ Պահանջում եմ անհապաղ հանձնել Ալեքսեյի մարմինը, որպեսզի ես նրան մարդու պես թաղեմ»,- ասել է ընդդիմադիրի մայրը։

Ավելի վաղ հայտնել էինք, որ ուղղիչ գաղութում մահացել է ռուս ընդդիմադիր գործիչ Ալեքսեյ Նավալնին: