Այվազովսկու «Լուսնյակ գիշեր» կտավը վաճառվել է
Մոսկվայի աճուրդի տանը երեկ վաճառվել է Հովհաննես Այվազովսկու «Լուսնյակ գիշեր» կտավը։ Նրա համար վճարվել է 92 միլիոն ռուբլի։
«Արվեստի «գուռմանների» մոտ ամենամեծ իրարանցումն առաջացրել է հավաքածուի զարդն ու աճուրդի գլխավոր լոտը՝ Կոստանդունապոլիսի ծովային տեսարանը «Լուսնյակ գիշեր» աշտարակների ֆոնին։ 1878 թվականին նկարված այդ կտավը վաճառվել է 92 միլիոն ռուբլով»,-հաղորդում է «ՌԻԱ Նովոստին» հղում անելով Մոսկվայի «Աճուրդային հոլդինգին»։
Աճուրդը կայացել է փետրվարի 18-ին։ Կազմակերպիչներն աճուրդն անվանել են Chtistie’s & Sotheby’s-ի անալոգը Ռուսաստանում:
Աճուրդի ժամանակ վաճառվել են նաեւ այլ ստեղծագործություններ՝ Իլյա Ռեպինի «Ֆիլարետ պատրիարքը» (29,5 միլիոն ռուբլի), Նիկոլայ Ռերիխի «Հիմալայները» (12 միլիոն ռուբլի)։
