Ինչ վիճակում են շմոլ գազից թունավորված 6 երեխաները

Երեկ Նուբարաշենից շմոլ գազից թունավորումով Երեւանի երկու հիվանդանոցներ են տեղափոխվել մեծահասակներ ու երեխաներ, բոլորը նույն ընտանիքից:

Auroranews-ին Առողջապահության նախարարությունից հայտնեցին, որ «Արմենիա» ԲԿ են ընդունվել 5 մեծահասակ, որոնք 1 ժամ հետո դուրս են գրվել: «Մուրացան» համալսարանական հիվանդանոց է տեղափոխվել 6 երեխա, նրանց վիճակը գնահատվում է բավարար, շարունակում են բուժում ստանալ հիվանդանոցում: Նշենք, որ երեխաներից մեծը 14 տարեկան է, փոքրը` 4:

Ավելի վաղ ԵՊԲՀ աշխատակազմի ղեկավար Շուշան Դանիելյանը տեղեկացրել էր, որ «Մուրացան» համալսարանական հիվանդանոց տեղափոխված 6 երեխաների մոտ հաստատվել է շմոլ գազով թունավորում՝ արյան լաբորատոր քննությամբ: