Խափանումներ՝ Telegram հավելվածի աշխատանքում
Telegram մեսենջերի աշխատանքում խափանում է տեղի ունեցել։ Այս մասին ասվում է Downdetector ծառայության կայքում։
Մեսենջերի բջջային և բրաուզերային տարբերակների աշխատանքում առաջին խնդիրները գրանցվել են Մոսկվայի ժամանակով ժամը 14:08-ին (Երևանի ժամանակով՝ 15։08): Օգտագործողները հայտնում են, որ չեն կարող ֆայլեր վերբեռնել, ինչպես նաև դժվարանում են տեքստային հաղորդագրություններ ուղարկել:
Downdetector-ի տվյալներով՝ Telegram-ի աշխատանքի հետ կապված խնդիրներ նկատվում են ամբողջ աշխարհում: Ամենաշատ բողոքները գալիս են բջջային հավելվածի օգտատերերից։ Խափանումների մասին հայտնել է 490 օգտատեր։
