ՏԵՍԱՆՅՈՒԹ․ Նավալնիի հիշատակին նվիրված ակցիաներ՝ ՌԴ տարբեր շրջաններում․ կան ձերբակալվածներ

Ռուսաստանի տարբեր շրջաններում Նավալնիի հիշատակին նվիրված ակցիաներ են անցկացվում։

Ոստիկանները ցրում են ցույցի դուրս եկած մարդկանց։

Հաղորդվում է ավելի քան 200 մարդու ձերբակալության մասին։ 

Ռուսաստանի 21 քաղաքներում երկու օրում 231 մարդ է ձերբակալվել Ալեքսեյ Նավալնիի հիշատակի ակցիայի ժամանակ, հաղորդում է ОВД-Инфо-ն:

Ամենամեծ թվով ձերբակալություններ ունեցող քաղաքը Պետերբուրգն է: Այնտեղ երեկվանից ավելի քան 100 մարդ է ձերբակալվել։

Եկատերինբուրգում գիշերը պատերին մի քանի տեղերում «Նավալնի» գրություններ են հայտնվել, առավոտից դրանց վրա դիմակավորված մարդիկ են նկարել:

Վլադիվոստոկում եւ Խաբարովսկում ոստիկանության աշխատակիցները վերաշարադրել են նրանց անձնագրային տվյալները, ովքեր եկել էին ծաղիկներ դնելու Նավալնիի հիշատակին:

Նովոսիբիրսկում մի քանի տասնյակ մարդիկ Նավալնիի հիշատակը հարգելու են եկել տեղի հուշահամալիր, mոտակայքում ավտոզակ է հերթապահել:

Չելյաբինսկում անհայտ անձը վերցրել է քաղաքական բռնաճնշումների զոհերի հուշարձանի մոտ Նավալնիի հիշատակին դրված ծաղիկները: 

Սանկտ Պետերբուրգում տեղի է ունեցել Նավալնիի հոգեհանգստի արարողությունը Սոլովեցկի քարի մոտ: 

Մոսկվայում ոստիկանությունը վշտի պատի մոտ հետ է մղում և բերման ենթարկում նրանց, ովքեր եկել էին ծաղիկներ դնելու Նավալնիի հիշատակին։

Բացի այդ, ակցիաներ են անցկացվել նաև ՌԴ այլ քաղաքներում։ Նախօրեին Մոսկվայի դատախազությունը նախազգուշացրել էր անօրինական ակցիային չմասնակցելու մասին եւ նախազգուշացրել դրա համար պատասխանատվության մասին։