Ռուսաստանը հիմա միջուկային սպառնալիք չի ներկայացնում. Բայդեն
ԱՄՆ նախագահ Ջո Բայդենը Սպիտակ տանը լրագրողների հետ զրույցում ասել է, որ Ռուսաստանը ներկայումս միջուկային սպառնալիք չի ներկայացնում ԱՄՆ-ի կամ որևէ այլ երկրի համար։ Նախօրեին Բայդենը հրամայեց բանակցություններ վարել Ռուսաստանի հետ՝ կապված հակաարբանյակային զենքի տեղակայման նրա ծրագրերի հետ։
Կրեմլը չի հաստատել նման ծրագրերը։
«Այն ամենը, ինչ նրանք անում են կամ կանեն, կապված է տիեզերքում գտնվող արբանյակների և դրանք վնասելու հնարավորության հետ: Ես ոչ մի ապացույց չեմ տեսնում, որ նրանք որոշել են առաջ գնալ։ Մենք հայտնաբերել ենք տիեզերք համակարգ արձակելու հնարավորություն, որը տեսականորեն վնաս կհասցնի: Սա դեռ տեղի չի ունեցել, և ես հուսով եմ, որ դա տեղի չի ունենա», - ասել է Ջո Բայդենը իր ելույթում, որը հեռարձակվել է Սպիտակ տան կողմից:
Փետրվարի 15-ին Կապիտոլիումում ԱՄՆ Ազգային անվտանգության հարցերով խորհրդական Ջեյք Սալիվանը, Ազգային հետախուզության տնօրեն Ավրիլ Հեյնսը և Պենտագոնի ներկայացուցիչը փակ հանդիպում են անցկացրել Կոնգրեսի անդամների հետ՝ քննարկելու Ռուսաստանի ենթադրյալ ծրագրերը: Սպիտակ տունը զեկուցել է, որ դա «լուրջ սպառնալիք է ազգային անվտանգությանը»:
