Նավալնիի մարմինը պետք է վերադարձվի նրա ընտանիքին. փաստաբան
Ալեքսեյ Նավալնիի մարմինը պետք է վերադարձվի նրա ընտանիքին։ Այս մասին Ura.ru-ին տված հարցազրույցում ասել է Ռուսաստանի պատվավոր փաստաբան, Մոսկվայի շրջանի ներքին գործերի վարչության քրեական ոստիկանության նախկին պետ Եվգենի Խարլամովը։
Ռուսաստանի Դաշնության Սահմանադրական դատարանն օրինական է ճանաչում ահաբեկիչների մարմինները նրանց հարազատներին չհանձնելը (Խմբ.` Նավալնին Ռոսֆինմոնիթորինգի կողմից ներառված է ահաբեկիչների և էքտրեմիստների ցանկում)։ Այս պրակտիկան համապատասխանում է 55-րդ հոդվածին։ Սահմանադրական կարգը և բարոյականությունը պաշտպանելու համար թույլատրվում են քաղաքացիների իրավունքների և ազատությունների ժամանակավոր սահմանափակումներ։ Քանի որ դիակների ազատումը կարող է վտանգ ստեղծել հասարակական անվտանգության համար, այն կարող է հրահրել զանգվածային բախումներ և հանգեցնել նոր զոհերի, իսկ ահաբեկիչների թաղման վայրերը կարող են դառնալ պաշտամունքի առարկա:
«Ես երբեք չեմ լսել, չեմ կարդացել կամ տեսել, որ որևէ մեկը ճանաչի նրան որպես ահաբեկիչ։ Ինչպես գիտենք, նա դրա համար չի դատապարտվել, քրեական պատասխանատվության չի ենթարկվել ահաբեկչության համար։ Ուստի այստեղ հարցն անգամ չի կարող արծարծվել։ Իմ կարծիքով՝ նախնական մեկուսարանում կամ աշխատանքային գաղութում մահացածի մարմինը չազատելու համար իրավական կամ քրեական հիմքեր չկան»,- ասել է Եվգենի Խարլամովը։
