Նավալնիի հետ կատարվածը Պուտինի դաժանության հերթական ապացույցն է. Բայդեն
ԱՄՆ նախագահ Ջո Բայդենը հայտարարել է, որ քաղաքական գործիչ Ալեքսեյ Նավալնիի մահվան համար պատասխանատու է համարում Ռուսաստանի նախագահ Վլադիմիր Պուտինին։ Այս մասին նա ասել է ռուս ընդդիմադիր գործչի մահվան հետ կապված հատուկ ուղերձի ժամանակ։
«Մի սխալվեք: Պուտինն է պատասխանատու Նավալնիի մահվան համար: Պուտինը պատասխանատվություն է կրում: Նավալնիի հետ կատարվածը Պուտինի դաժանության հերթական ապացույցն է»,- ասել է Բայդենը։
Նա հավելել է, որ Պուտինը «պատրաստ է սպանել ոչ միայն այլ երկրների քաղաքացիների, այլ նաև իր քաղաքացիներին»։ Բայդենն ասել է, որ վրդովված է Նավալնիի մահվան լուրից։
