Էրմիտաժը կվերակենդանացնի Կարմիր բլուր հնագիտական արշավախումբը

Պետական Էրմիտաժը կվերակենդանացնի հնագիտական արշավախումբ՝ ուսումնասիրելու Հայաստանի Կարմիր բլուր ամրոցը, որտեղ թանգարանի մասնագետներն աշխատել են 20-րդ դարի կեսերից։ ՏԱՍՍ գործակալության հաղորդմամբ, լրագրողներին Էրմիտաժի գլխավոր տնօրեն Միխայիլ Պիոտրովսկին ասել է, որ այս պայմանավորվածությունը ձեռք է բերվել հայկական պատմահնագիտական «Էրեբունի» արգելոց-թանգարանի ներկայացուցիչների հետ։

«Մենք արդեն պայմանավորվել ենք մեր հայ գործընկերների հետ, որ վերակենդանացնում ենք հայտնի Կարմիր բլուր արշավախումբը, որը ղեկավարում էր Բորիս Բորիսովիչ Պիոտրովսկին (Էրմիտաժի տնօրեն 1964-1990 թթ.): Այժմ նախատեսվում է նույն տեղում կառուցել նոր թանգարան՝ այն կկառուցվի գերեզմանատան տեղում, որը կից է Թեյշեբաինի ամրոցին։

Մինչ այդ կպեղվի, ապակիով կծածկվի, իսկ վերևում կկառուցվի թանգարան։ Դրանով կզբաղվի ռուս-հայկական համատեղ արշավախումբը։ Մինչ այդ հայկական արշավախմբերի հետ մեզանից մեկ-երկու հոգի էին մասնակցում պեղումներին, հիմա կլինի վերածնված նորը»,- ասել է Պիոտրովսկին։