ԱՄՆ փոխնախագահը Մյունխենում հանդիպել է Նավալնիի այրու հետ
ԱՄՆ փոխնախագահ Քամալա Հարիսը Մյունխենում հանդիպել է Ալեքսեյ Նավալնիի այրու՝ Յուլյայի հետ։ Այս մասին լրագրողներին հայտնել է Սպիտակ տան ներկայացուցիչը։
«Փոխնախագահ Հարիսը Մյունխենի անվտանգության համաժողովի շրջանակներում հանդիպեց Ալեքսեյ Նավալնիի կնոջ (այրու)՝ Յուլյա Նավալնայայի հետ: Փոխնախագահն իր վիշտն ու վրդովմունքն է հայտնել նրա մահվան մասին հաղորդագրությունների կապակցությամբ», - ասել է նա։
Փետրվարի 16-ին Յամալի դաշնային քրեակատարողական ծառայության վարչությունը հայտնել է գաղութում Ալեքսեյ Նավալնիի մահվան մասին։ Գերատեսչության տվյալներով՝ Նավալնին զբոսանքից հետո վատ է զգացել ու կորցրել գիտակցությունը։ Բժիշկներն անմիջապես սկսել են օգնել բանտարկյալին և ավելի քան կես ժամից փորձել են վերակենդանացնել նրան։
