Վտանգ կա, որ Ավդեևվկան կհայտնվի Ռուսաստանի վերահսկողության տակ. Քիրբի

Ինտենսիվ մարտեր են ընթանում ռազմական գործողության գոտում, հատկապես Ավդեևկա քաղաքի ) շրջանում։ Այսպիսի գնահատական ​​է տվել Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։

«Ցավոք, Ուկրաինայից մենք հաղորդումներ ենք ստանում, որ իրավիճակը կրիտիկական է։ Ռուսաստանը շարունակում է ամեն օր ճնշում գործադրել ուկրաինական դիրքերի վրա: Վտանգ կա, որ Ավդեևվկան կհայտնվի Ռուսաստանի վերահսկողության տակ»,- ասել է Քիրբին։

Նա այս իրավիճակը մասամբ պայմանավորել է նրանով, որ ուկրաինական զորքերի հրետանային արկերը սպառվում են: