Նրանք կցանկանային, որ իրենց նախագահը լիներ Պուտինը․ Բայդենը նրանց պատիժն է․ Վոլոդին
Ռուսաստանը՝ նախագահ Վլադիմիր Պուտինի գլխավորությամբ, կզարգանա և ավելի ու ավելի ուժեղ կդառնա, դա չի ցանկանում Արևմուտքը, և հենց դրա հետ են կապված արևմտյան երկրների կողմից Ռուսաստանի առաջնորդի վրա հարձակումները։ Այս մասին Պետդումայի լիագումար նիստի ժամանակ հայտարարել է պալատի խոսնակ Վյաչեսլավ Վոլոդինը։
«Տեսեք, թե մեր թշնամիների, Վաշինգտոնի, Բրյուսելի կողմից ինչպիսի քննադատություններ են գնում, հարձակումներ Պուտինի վրա։ Ինչ եք կարծում՝ ինչու՞: Նրանք հասկանում են, որ Ռուսաստանը Պուտինի հետ կզարգանա։ Նրանք շատ լավ հասկանում են, որ մեր երկիրը նրա հետ ուժեղ է լինելու»,- ասել է նա։
Վոլոդինի խոսքով՝ Պուտինը «պաշտոնավարման ընթացքում ցույց է տվել, որ կարող է լուծել ամենածանր խնդիրները»:
«Մենք պետք է գնահատենք այն, որ Պուտինը ստեղծել է հրապարակայնության, մրցակցության, մրցակցության մթնոլորտ, դա մեր քաղաքական համակարգի ուժեղ կողմն է։ Բայց դրա հետ մեկտեղ ներկա իրավիճակում մենք պետք է բոլորս միավորվենք Վլադիմիր Վլադիմիրովիչ Պուտինի շուրջ», - հավելել է խոսնակը՝ գործընկերներին կոչ անելով «վեր լինել կուսակցական շահերից»։
«Մենք պետք է մտածենք երկրի մասին»,- նշել է նա։
Վոլոդինը միաժամանակ նշել է, որ ԱՄՆ-ում շատերը կցանկանային նման նախագահ ունենալ։
«Եթե նայեք, թե ինչ են գրում Ամերիկայում, նրանք կցանկանային, որ իրենց նախագահը լիներ Պուտինը։ Բայց նրանք չունեն, մենք ունենք: Իսկ նրանց 
