Մենք կարող ենք խոսել մի շարք դրական փոփոխությունների մասին․ Էրդողան

Թուրքիայի նախագահ Ռեջեփ Թայիփ Էրդողանը կարծում է, որ Վաշինգտոնը դրական տրամադրվածություն ունի Անկարային Ֆ-16 կործանիչներ վաճառելու հարցում: Էրդողանի խոսքը մեջբերում է թուրքական Anadolu գործակալությունը։ Տեղեկությունը փոխանցում է gazeta.ru-ն։

«Մենք կարող ենք խոսել մի շարք դրական փոփոխությունների մասին Թուրքիայի և ԱՄՆ-ի միջև ձեռնարկած քայլերից հետո»,-հայտարարել Է Էրդողանը՝ նշելով, որ Թուրքիային Ֆ-16-ների վաճառքի հարցում բացասական միտում չկա:

Թուրքիայի առաջնորդն ընդգծել է, որ ԱՄՆ-ում Անկարային տեղեկացնում են այդ հարցի վերաբերյալ։

Մինչ այդ թուրքական Hürriyet թերթը գրել էր, որ Թուրքիայի կողմից ԱՄՆ-ից պահանջված Նոր թեթև Ֆ-16 կործանիչների մատակարարումը կարող է ձգձգվել 4-5 տարով՝ պատվերների մեծ քանակի պատճառով:

Լրագրողները հիշեցրել են, որ փետրվարի 11-ին ԱՄՆ Կոնգրեսում ավարտվել է Թուրքիային Ֆ-16 ինքնաթիռների վաճառքի հարցի քննարկումը, որից հետո գործարքը պաշտոնապես հավանության է արժանացել ամերիկացի օրենսդիրների կողմից: