Ուկրաինայի զինված ուժերի գլխավոր շտաբը հաստատեց` ռուսական խոշոր դեսանտային նավի վրա հարձակումը

Ուկրաինայի զինված ուժերի գլխավոր շտաբը հայտարարություն է տարածել, որում պաշտոնապես հաստատել է այսօր առավոտյան Սև ծովում ռուսական «Կեսար Կունիկով» խոշոր դեսանտային նավի վրա հարձակումը։

Ուկրաինացի զինվորականները պնդում են, որ նավը, որը հարձակման պահին գտնվել է Ուկրաինայի տարածքային ջրերում՝ Ալուպկայի մոտ (կցված Ղրիմում), ոչնչացվել է։

Ռուսաստանի պաշտպանության նախարարությունը դեռևս չի մեկնաբանում նավի մասին հաղորդագրությունները, սակայն առավոտյան հայտնել է, որ այս գիշեր Սև ծովի վրա վեց անօդաչու թռչող սարքեր են որսացել:

Հիշեցնենք` ավելի վաղ հայտնել էինք, որ Ուկրաինական բանակը Սև ծովում հարվածել է ռուսական "Цезарь Куников" դեսանտային նավին: