«Ժամանակն է դադարեցնել այս մսաղացը». Մասկը` ռուս-ուկրաինական պատերազմի մասին
Ամերիկացի գործարար Իլոն Մասկը կտրուկ է արտահայտվել՝ ի պատասխան Ուկրաինայի վերաբերյալ ԱՄՆ նախագահ Ջո Բայդենի հայտարարություններին՝ հակամարտությունն անվանելով «մսաղաց» և կոչ անելով վերջ տալ դրան։ Նա իր կարծիքն է հայտնել X-ում (նախկինում՝ Twitter), փոխանցում է ՏԱՍՍ-ը:
«Ժամանակն է դադարեցնել այս մսաղացը», - գրել է Մասկը: Նա հավելել է, որ դա պետք է արվեր մեկ տարի առաջ։
Այսպիսով, Մասկը պատասխանել է Բայդենի հայտարարությանը, որում նա համեմատել է Կոնգրեսի՝ Ուկրաինային աջակցելու չկամությունը հանցավոր անփութության հետ։
