Սիրիայում ԱԹՍ-ներով հարձակման է ենթարկվել ամերիկյան ռազմաբազա
Սիրիայի արևելքում գտնվող Դեյր էզ-Զոր նահանգի Օմար նավթահանքում տեղակայված ամերիկյան ռազմաբազան հարձակման է ենթարկվել երեք անօդաչու թռչող սարքերի կողմից։ Այս մասին հայտնում է РИА Новости-ն՝ հղում անելով տեղական աղբյուրին։
Նրա խոսքով՝ ամերիկյան բազայի տարածքում մի քանի պայթյուն է տեղի ունեցել։ Բազայում հակաօդային պաշտպանության համակարգերը չեն կարողացել հետ մղել հարձակումը, ասել է աղբյուրը։
Փետրվարի 8-ի գիշերը սիրիական Դեյր էզ Զոր նահանգի Օմար նավթահանքում գտնվող ամերիկյան ռազմաբազան հրթիռակոծության է ենթարկվել։
