Պահեստային տարածքում բռնկված հրդեհը հաջողվել է մարել

Թբիլիսյան խճուղում գտնվող պահեստային տարածքում բռնկված հրդեհը հաջողվել է մարել։

ՆԳՆ մամուլի քարտուղար Նարեկ Սարգսյանը Auroranews-ի հետ զրույցում նշեց, որ հրդեհը մարվել է 17:25-ին:

Հիշեցնենք` ավելի վաղ հայտնել էինք, որ փետրվարի 10-ին՝ ժամը 09.40-ին, ՆԳՆ ՓԾ ճգնաժամային կառավարման ազգային կենտրոնի 911 ահազանգման կենտրոն ահազանգ է ստացվել Երևան քաղաքի Թբիլիսյան խճուղու 47/2 հասցեում գտնվող պահեստային տարածքում հրդեհի բռնկման վերաբերյալ:

Դեպքի վայր են մեկնել ՆԳՆ ՓԾ Երևան քաղաքի և մարզային փրկարարական վարչությունների հրշեջ-փրկարարական ջոկատներից տասերկու մարտական հաշվարկ, երկու ավտոսանդուղք, հրդեհաշիջման և փրկարարական աշխատանքների կազմակերպման բաժնի հերթապահ, Ճգնաժամային կառավարման ազգային կենտրոնի օպերատիվ, Բժշկական ապահովման վարչության հերթապահ խմբերը և Հոգեբանական աջակցության բաժնի հերթապահ հոգեբանը և գազածխապաշտպան ծառայության մեքենան։

Քաղաքացիները նկարահանել են պահեստային տարածքում բռնկված հրդեհի ծուխը` քաղաքի տարբեր հատվածներից: