Կիմ Չեն Ընը հայտարարել է, որ Հարավային Կորեան ոչնչացնելու օրինական իրավունք ունի
Հյուսիսային Կորեայի առաջնորդ Կիմ Չեն Ընը հայտարարել է, որ Հարավային Կորեան ոչնչացնելու օրինական իրավունք ունի այն բանից հետո, երբ երկիրը մերժել է համագործակցությունը վերականգնելու Փհենյանի փորձերը: Այս մասին հայտնում է Bloomberg-ը։
Բանակի հիմնադրման տարեդարձի տոնակատարության ժամանակ Հյուսիսային Կորեայի առաջնորդը հայտնել է, որ Սեուլի «խամաճիկները» հրաժարվել են համագործակցությունից և ցանկանում են «կուլ տալ» թերակղզու հյուսիսային հատվածը: Ելնելով դրանից, Կիմի կարծիքով, նպատակահարմար է Հարավային Կորեային անվանել «գլխավոր թշնամի», ինչը օրինական հիմք է տալիս «հարձակվել նրա վրա եւ ոչնչացնել ցանկացած պահի»:
Ավելի վաղ Հյուսիսային Կորեայի առաջնորդը հայտնել էր անհրաժեշտության դեպքում հարևան պետությունը օկուպացնելու պատրաստակամության մասին:
Հարավային Կորեայի նախագահ Յուն Սոկ Յելը հյուսիսկորեացի գործընկերոջ գործողությունները համարում է «սադրանք» և ի պատասխան խոստացել է ուժեղացնել համագործակցությունն ԱՄՆ-ի հետ:
