Իշխող ուժը Ալիևին պատասխանատվության ենթարկելու նպատակ ունի՞. պատասխանում է ՔՊ պատգամավորը

Հայաստանի Հանրապետությունն իր առջև քաղաքական նպատակ է դրել կատարված հանցագործությունների համար քայլեր ձեռնարկել, բայց այդ նպատակն ուղղված չէ որևէ անձի կամ սուբյեկտի դեմ։ Այս մասին խորհրդարանական ճեպազրույցների ժամանակ արեց «Քաղաքացիական պայմանագիր» խմբակցության քարտուղար Արթուր Հովհաննիսյանը` անդրադառնալով հարցին, թե որպես իշխող ուժ Ադրբեջանի նախագահ Իլհամ Ալիևին պատասխանատվության ենթարկելու քաղաքական նպատակ ունեն, թե ոչ։

«Որպես նպատակ Հայաստանի Հանրապետությունն իր առջև դրել է հետևյալը` բոլոր կատարված հանցագործությունների համար պետք է քայլեր ձեռնարկել։ Թե դրա արդյունքում որ սուբյեկտը պատասխանատվության կենթարկվի, իրավական հարց է»,– ընդգծեց Հովհաննիսյանը։

Նա շեշտեց, որ նպատակը ձևակերպված չէ որևէ անձի կամ սուբյեկտի դեմ, նպատակը հանցագործությունները կատարողներին պատժելն է։