Վրաստանի նախագահին խորհրդարանում ելույթից հետո օտարերկրյա գործակալ են անվանել
«Ժողովրդի ուժը» հասարակական շարժման վրացի պատգամավոր Սոզար Սուբարին երկրի ղեկավար Սալոմե Զուրաբիշվիլիին մեղադրել է սեփական երկրի նկատմամբ թշնամանքի մեջ խորհրդարանում նրա ելույթից հետո, որտեղ նա ժամանակի մեծ մասը քննադատել է իշխանություններին եւ հայտարարել փոփոխությունների անհրաժեշտության մասին: Նրա խոսքը մեջբերում Է Imedi հեռուստաալիքը։
«Ես չեմ կարող Սալոմե Զուրաբիշվիլիի ելույթը քննադատական անվանել, դա թշնամական ելույթ էր երկրի դեմ։ Դա Վրաստանի նախագահի ելույթը չէր, դա օտարերկրյա գործակալի ելույթ էր», - հայտարարել Է Սուբարին։
Նա նաև Զուրաբիշվիլիի կողմից Վրաստանի Սահմանադրության բազմակի և գիտակցված խախտումները որակել է որպես թշնամանք երկրի նկատմամբ:
«Երբ երկրի նախագահը մեկնում է արտերկիր կամ Վրաստանում օտարերկրյա գործընկերների հետ հանդիպման ժամանակ ուղղակիորեն ասում է, որ Վրաստանն արժանի չէ Եվրամիությանն անդամակցելուն եւ թեկնածուի կարգավիճակ ստանալուն, դա թշնամանք է», — ընդգծել է պատգամավորը:
Մինչ այդ Սալոմե Զուրաբիշվիլին իշխող «Վրացական երազանք – Ժողովրդավարական Վրաստան» կուսակցությանը մեղադրել էր «հակաարևմտյան քարոզչության» և Ռուսաստանի հետ սերտ կապեր հաստատելու մեջ:
Վրաստանի նախագահը կարծիք է հայտնել, որ իշխող կուսակցության ռազմավարությունը հիմնված է մի շարք սադրանքների վրա, որոնց թվին են պատկանում Ռուսաստանի հետ ավիահաղորդակցության վերականգնումը եւ Բաթումիում ռուսական զբոսանավի մուտքը:
