ՌԴ–ում ՀՀ դեսպանը Միխայիլ Գալուզինի հետ քննարկել է ՀՀ վարորդական իրավունքի օգտագործման հարցը

ՌԴ–ում ՀՀ դեսպան Վաղարշակ Հարությունյանը և ՌԴ փոխարտգործնախարար Միխայիլ Գալուզինը այսօր Մոսկվայում քննարկել են ՌԴ տարածքում առևտրային գործունեություն իրականացնելիս հայկական վարորդական իրավունքների օգտագործման հարցը ։ Այս մասին հայտնում է ՌԴ–ում ՀՀ դեսպանատունը։

«Մտքերի փոխանակում է տեղի ունեցել նաև հայ-ռուսական օրակարգի այլ ակտուալ հարցերի շուրջ»,– նշվում է հաղորդագրության մեջ: 

Ավելի վաղ տեղեկացրել էինք, որ ՌԴ Պետդուման որոշել է անժամկետ հետաձգել Հայաստանի քաղաքացիների՝ ձեռնարկատիրական և աշխատանքային գործունեություն իրականացնելիս ՀՀ վարորդական վկայականների ճանաչման մասին օրինագծի քննարկումը։

ՀՀ վարչապետ Նիկոլ Փաշինյանն իր հերթին հայտարարել էր, որ Ռուսաստանում հայկական վարորդական իրավունքի ճանաչման մերժումը հակասում է Եվրասիական տնտեսական միության՝ ապրանքների, ծառայությունների, կապիտալի և աշխատուժի ազատ տեղաշարժի հիմնարար սկզբունքին: