Պուտինի հարցազրույցի հայտարարությունից հետո X սոցիալական ցանցը դարձել է ԱՄՆ-ում ամենաշատ ներբեռնվողը
Գործարար Իլոն Մասկին պատկանող X սոցիալական ցանցը դարձել է ԱՄՆ-ի ամենահայտնի սոցիալական ցանցը ներբեռնումների առումով՝ ՌԴ նախագահ Վլադիմիր Պուտինի՝ լրագրող Թակեր Կառլսոնի հետ հարցազրույցի հայտարարության ֆոնին: Այս մասին ՌԻԱ Նովոստիի փոխանցմամբ՝ գրում է TechCrunch ինտերնետային պորտալը։
Կառլսոնը փետրվարի 6-ին հրապարակել է Պուտինի հետ իր հարցազրույցի հայտարարությունը և շնորհակալություն հայտնել X-ի սեփականատեր Իլոն Մասկին՝ հարցազրույցը չարգելափակելու խոստման համար, երբ այն հրապարակվել է սոցիալական ցանցում։
«Այն բանից հետո, երբ Fox News-ի նախկին հաղորդավար Թակեր Կարլսոնը X-ում հայտարարեց, որ հարցազրույց է վերցնելու Ռուսաստանի նախագահ Վլադիմիր Պուտինին, հավելվածի ներբեռնումները բարձրացան և մեկ գիշերվա ընթացքում X-ը հասավ ԱՄՆ AppStore-ի գագաթին»,- ասվում է պորտալի հաղորդագրության մեջ։ .
