Վրաստանի միակ ապագան ԵՄ-ին անդամակցելն է․ Զուրաբիշվիլի
Զուրաբիշվիլին վերջին անգամ է ներկայացրել իր տարեկան զեկույցը։
Աշնանը, Վրաստանում խորհրդարանական ընտրություններից հետո, ընտրական կոլեգիան կընտրի նոր նախագահ։
Երկրի ղեկավարի խոսքով՝ Վրաստանում խախտվել է իշխանության թեւերի հավասարակշռությունը, աննախադեպ կերպով ամրապնդվում են իշխող կուսակցության դիրքերը, ծաղկում է կոռուպցիան։
Զուրաբիշվիլին անդրադարձել է նաև Ռուսաստանի հետ առճակատման թեմային, հայտնում է Actual Camera-ն։
«Ռուսաստանը չկարողացավ կոտրել Ուկրաինան, ավելին, չկարողացավ խաթարել Եվրոպայի միասնությունն ու համերաշխությունը և նույնիսկ ամրապնդեց այն:
Չնայած այս ձախողումներին կամ, ընդհակառակը, դրանց շնորհիվ Ռուսաստանը հիբրիդային պատերազմի նոր փուլ սկսեց Վրաստանի դեմ»,- ասել է նա։
