Իրանի գերագույն առաջնորդը մահմեդական երկրների էլիտաներին կոչ է արել հասնել Իսրայելի հետ հարաբերությունների խզման
Իրանի գերագույն առաջնորդ Ալի Խամենեին մահմեդական երկրների էլիտային կոչ է արել ազդել իրենց պետությունների իշխանությունների վրա, որպեսզի նրանք խզեն տնտեսական կապերը Իսրայելի հետ և դադարեն աջակցել նրան։ Այս մասին նա հայտարարել է Իսլամական Հանրապետության բանակի ռազմաօդային ու հակաօդային պաշտպանության ուժերի հրամանատարների ու սպաների հետ հանդիպման ժամանակ։ Այս մասին հայտնում է ՏԱՍՍ-ը։
Խամենեին ընդգծել է, որ իսլամական պետությունների էլիտաները, որոնք, իր կարծիքով, ներառում են քաղաքական գործիչներին, գիտնականներն և լրատվամիջոցների ներկայացուցիչներին, պետք է տեղեկացնեն հանրությանը և կոչ անեն մահմեդական երկրների ժողովրդին՝ պահանջելու իրենց կառավարություններից խզել տնտեսական հարաբերությունները «Սիոնիստական ռեժիմի» հետ։
Իսլամական հանրապետության առաջնորդը նշել է, որ էլիտաները պետք է մարդկանց ուշադրությունը հրավիրեն Գազայում մարդկային ողբերգությունների և ԱՄՆ-ի աջակցության միջև կապի վրա։
