«Ես չգիտեմ, թե արդյոք Ուկրաինան կվերադարձնի Ղրիմը». Լեհաստանի նախագահ
Լեհաստանի նախագահ Անջեյ Դուդան Kanal Zero ծրագրին տված հարցազրույցում կասկածել է Ղրիմը վերադարձնելու Ուկրաինայի հնարավորության վրա։
«Ես չգիտեմ, թե արդյոք Ուկրաինան կվերադարձնի Ղրիմը», – ասել է նա։ Դուդան հիշեցրել է, որ հանրապետությունը առանձնահատուկ նշանակություն ունի Ռուսաստանի համար, քանի որ երկար ժամանակ եղել է նրա կազմում։
Միևնույն ժամանակ նա կարծում է, որ Ուկրաինան «կկարողանա վերադարձնել Դոնեցկն ու Լուգանսկը»։
Դուդայի հայտարարություններն արդեն զայրացրել են իշխող կուսակցության պատգամավորներին և Լեհաստանում Ուկրաինայի դեսպանին, ովքեր ևս մեկ անգամ կոչ են արել «ապաօկուպացնել» թերակղզին:
