Վալերի Զալուժնին Զելենսկիին հասկացրել է, որ մարտադաշտում իրավիճակը դժվար թե լավանա. WP

Ուկրաինայի ՊՆ ղեկավար Վալերի Զալուժնին երկրի նախագահ Վլադիմիր Զելենսկիին հասկացրել է, որ մարտադաշտում իրավիճակը դժվար թե լավանա։ Այս մասին հայտնում է The Washington Post-ը։

Լրատվամիջոցի աղբյուրների համաձայն՝ հունվարի 29-ին զրույց է տեղի ունեցել, որի ընթացքում Զելենսկին Ուկրաինայի Զինված ուժերի գլխավոր հրամանատարին ասել է, որ շուտով իրեն կազատեն աշխատանքից։ Ուկրաինայի նախագահը առաջարկել է, որ ռազմական հրամանատարության փոփոխությունները կնպաստեն ընդհանուր իրավիճակի բարելավմանը: Հանդիպման ընթացքում Զելենսկին ասել է, որ հասարակությունն ավելի ու ավելի է հոգնում հակամարտությունից, և միջազգային գործընկերների օգնությունը դանդաղել է։ Իր հերթին գեներալը պետության ղեկավարին հասկացրել է, որ ռազմի դաշտում Ուկրաինայի դիրքերի արագ բարելավումը քիչ հավանական է։ 

Ինչպես նշում է հրատարակությունը, Զալուժնիի հեռացումը «կարող է հանգեցնել հակառակ արդյունքի և թույլ տալ Մոսկվային օգտվել անկայունությունից»։