Պուտինը հայտարարել է զենքի արտադրության բարձր տեմպերի մասին
ՌԴ նախագահ Վլադիմիր Պուտինը հայտարարել է զենքի արտադրության բարձր տեմպերի մասին: Այս մասին գրում է Говорит Москва–ն:
Նա նշել է, որ երկրում նման արդյունքների են հասել պաշտպանական արդյունաբերության աշխատողների շնորհիվ, ովքեր «ջանասիրաբար աշխատում են ձեռնարկություններում և, անհրաժեշտության դեպքում, գնում են մարտական գոտի և տեսնում, թե ինչ է աշխատում և ինչպես է այն աշխատում»։
ՌԴ նախագահի խոսքով՝ «սա իսկական հերոսություն է»:
Երկրի ղեկավարը նաև հայտարարել է, որ պաշտպանության պետական պատվերը «գրեթե հարյուր տոկոսով» կատարվել է։ Այս տարի այն զգալիորեն ավելացել է և ամբողջությամբ ֆինանսավորվել։
«Վստահ եմ, որ ապագայում մենք հուսալիորեն կպահպանենք այս մակարդակը, մանավանդ, որ 2024 թվականի պաշտպանության պետական պատվերը կրկին զգալիորեն ավելացել է», - ասել է նախագահը Տուլայում ընթացող «Ամեն ինչ հաղթանակի համար» ֆորումի ընթացքում։
