Չինաստանը նախազգուշացրել է Ուկրաինային․Reuters
Չինաստանը նախազգուշացրել է Ուկրաինային, որ երկկողմ հարաբերությունները կարող են տուժել Կիևի կողմից չինական ընկերություններին որպես «պատերազմի հովանավորներ» ճանաչելու պատճառով: Այս մասին հայտնում է Reuters-ը՝ հղում անելով ուկրաինական աղբյուրներին։
Հաղորդվում է, որ Պեկինը նման հաղորդագրություն փոխանցել է դեռ անցյալ տարվա դեկտեմբերին՝ Կիևում Չինաստանի դեսպանի և Ուկրաինայի բարձրաստիճան պաշտոնյաների հանդիպման ժամանակ։
«Դեսպանն ասաց, որ այս ամբողջը (ցուցակագրման իրավիճակը) կարող է բացասաբար ազդել մեր հարաբերությունների վրա»,-աղբյուրի խոսքերն է մեջբերում լրատվամիջոցը։
Նշվում է, որ Ուկրաինան «ահաբեկչության միջազգային հովանավորների» ցուցակում ավելացրել է 48 ընկերություն, որոնցից 14-ը՝ Չինաստանից։ Չինաստանն ավելի վաղ դեմ էր արտահայտվել այս ցուցակում չինական ընկերությունների ընդգրկմանը։
