ՔՊ-ական պատգամավորի որդին ազատվել է «Երևան-Կենտրոն» ՔԿՀ պետի պաշտոնից

Աշխատանքից ազատվել է Արդարադատության նախարարության «Երևան-Կենտրոն» քրեակատարողական հիմնարկի պետ Արման Մելքոնյանը, հայտնում է 168.am-ը։

Հիշեցնենք, որ նս Ազգային ժողովի (ԱԺ) «Քաղաքացիական պայմանագիր» (ՔՊ) խմբակցության պատգամավոր Գագիկ Մելքոնյանի որդին է:

Արման Մելքոնյանը «Երևան-Կենտրոնի» պետ էր նշանակվել «Արթիկ» ՔԿՀ-ում որպես պետ պաշտոնավարելուց հետո:

Կայքի տեղեկություններով, նրա փոխարեն կնշանակվի «Դատապարտյալների հիվանդոց» ՔԿՀ-ի նախկին պետ Ռուբեն Խալապյանը:

Արման Մելքոնյանի գլխին սև ամպեր վաղուց են պտտվում՝ կապված պաշտպանության նախկին նախարար Դավիթ Տոնոյանի հետ կապված պատմության հետ: Վերջինս թույլ էր տվել, որ Քննիչ հանձնաժողով գնալու ճանապարհին Տոնոյանը կարճ ժամանակով տեսակցի մորը: Այդ ժամանակ սակայն պալատական խարդավանքների արդյունքում աշխատանքից ազատվեց Քրեակատարողական ծառայության (ՔԿԾ) Սերգեյ Ատոմյանը, իսկ Արման Մելքոնյանին հայտարարվեց խիստ նկատողություն:

Սակայն, փաստորեն, անգամ 24/7 ռեժիմով Նիկոլ Փաշինյանի քարոզչական թեզերը սպասարկող Գագիկ Մելքոնյանը չկարողացավ փրկել որդու պաշտոնը: Իսկ միգուցե այլ, ավելի բարձր պաշտոնո՞ւմ նշանակի:

Ըստ 168.am-ի տեղեկությունների՝ աշխատանքից կազատվի նաև «Վանաձոր» ՔԿՀ-ի պետ Մանուկ Պողոսյանը: Նրա փոխարեն էլ կնշանակվի ՔԿՀ-ներից մեկի պետի տեղակալը: