Եմենի ափերի մոտ հրթիռակոծվել է ԱՄՆ-ին պատկանող առևտրային նավը։ Այդ մասին հայտնում է Reuters-ը։

Ըստ բրիտանական ծովային անվտանգության Ambrey ընկերության հայտարարության՝ նավը հարձակման է ենթարկվել Եմենի Ադեն քաղաքի մոտակայքում: Ենթադրվում է, որ հարվածն իրականացվել է օդից։

Հունվարի 12-ին ՄԱԿ-ի գլխավոր քարտուղար Անտոնիո Գուտերեշը կոչ է արել պահպանել ՄԱԿ-ի Անվտանգության խորհրդի թիվ 2722 բանաձևը՝ դադարեցնել Կարմիր ծովում նավերի վրա հարձակումները։ Միաժամանակ նա Եմենում հակամարտող կողմերին կոչ է արել խուսափել գործողություններից, որոնք կարող են վատթարացնել իրավիճակը Մերձավոր Արևելքում։