ՏԵՍԱՆՅՈՒԹ. Ինչպե՞ս պետք է որոշել սա ՀՀ–ի՞, թե՞ Ադրբեջանի տարածք է

ՀՀ վարչապետը խոսեց նաև Ադրբեջանի հետ սահմանների ճշգրտման մասին:

Նա նշեց, որ երբ Ադրբեջանը խոսում է 4 գյուղերի վերադարձման մասին, ՀՀ–ն բարձրացնում է 32 գյուղի հարցը, որոնց կենսական նշանակության տարածքները օկուպացված են, այդ թվում` Գեղարքունիքի մարզում:

«Մենք ասում ենք, որ ՀՀ–ի և Ադրբեջանի միջը օկուպացված տարածքներ չպետք է գոյություն ունենան։ Հետևաբար, երբ պարզվի, որ ՀՀ–ն է ինչ–որ տարածքներ իր վերահսկողության տակ պահում, մինչդեռ դե յուրե պատկանում է Ադրբեջանին, ՀՀ–ն պետք է այդ տարածքներից դուրս գա, իսկ այն տարածքները, որոնք դե յուրե պատկանում են ՀՀ–ին, սակայն Ադրբեջանն է պահում իր վերահսկողության տակ, Ադրբեջանը պետք է դուրս գա։ Նման քաղաքական պայմանավորվածություն կա, սա գործնականում իրականում հնարավոր չէ իրագործել` առանց փոխհամաձայնեցված քարտեզի, որովհետև ինչպե՞ս պետք է որոշել սա ՀՀ–ի՞, թե՞ Ադրբեջանի տարածք է»,-ասաց վարչապետը:

Ըստ Նիկոլ Փաշինյանի կա մի տարբերակ` քաղաքական առումով հիմնվել 1991 թ. Ալմա Աթայի հռչակագրի վրա, սեղանին դնել հռչակագրի դրույթները դե յուրե արտահայտող քարտեզներ ու գնալ տեղում նայել իրողությունները ու դրանք համապատասխանեցնել քարտեզներին։ Հակառակ իրավիճակը անընդհատ բերելու է էսկալացիաների, ինչը չի կարող խաղաղության հենք դառնալ։

Մանրամասները` տեսանյութում: