Լիտվան ռազմական օգնություն կուղարկի Ուկրաինային

Լիտվայի նախագահ Գիտանաս Նաուսեդան հայտարարել է, որ մերձբալթյան երկիրը Ուկրաինա կուղարկի M577 զրահամեքենաներ, զինամթերք, գեներատորներ և պայթեցման համակարգեր՝ Կիևին երկարաժամկետ օգնության փաթեթի շրջանակներում, որը կազմում է 200 միլիոն եվրո:

 «Լիտվայի պաշտպանության խորհրդում մենք հաստատել ենք երկարաժամկետ ռազմական աջակցության փաթեթը, և հունվարին դրա մի մասը կուղարկենք Ուկրաինա։ Մենք նաև կպատրաստենք ուկրաինացի զինվորականներին և կամրապնդենք համագործակցությունը ռազմական արդյունաբերության ոլորտում»,- ասել է նա։

 Նաուսեդան նաև ասել է, որ ուկրաինական պատվիրակության Վիլնյուս կատարած այցի ընթացքում «շատ» պայմանագրեր են ստորագրվել Ուկրաինայի և Լիտվայի պաշտպանական ձեռնարկությունների ներկայացուցիչների միջև։

 «Կարծում եմ՝ սա այն ճանապարհն է, որը մենք պետք է գնանք։ Պետք է ընդլայնել պաշտպանական արդյունաբերության ողջ ներուժը, որն ունեն Լիտվան, Ուկրաինան և, իհարկե, ողջ ԵՄ-ն»,- ասել է Լիտվայի նախագահը։