Դավիթ Խուդաթյանը նշանակվեց Արմավիրի մարզպետ

Կառավարությունն իր այսօրվա նիստում որոշեց Արմավիրի մարզպետ նշանակել Դավիթ Խուդաթյանին:

Դավիթ Խուդաթյանը Արմավիր խոշորացված համայնքի ղեկավարն է և ՔՊ կուսակցության Արմավիրի տարածքային խորհրդի նախագահը։

Ըստ մամուլի տեղեկությունների՝ Արմավիր համայնքի ավագանին Խուդաթյանի փոխարեն ղեկավար կընտրի նրա առաջին տեղակալ Վարշամ Սարգսյանին։

Հիշեցնենք, որ Արմավիրի մարզպետ Էդվարդ Հովհաննիսյանը պաշտոնից ազատվեց անցյալ շաբաթ, Փաշինյանի՝ մարզ կատարած այցից և Արագած բնակավայրի վերանորոգված դպրոցի սանհանգույցի անորակ «դուշի» բացահայտումից հետո։