Գերմանիան Հայաստանին ֆինանսական օգնություն է առաջարկում հակառուսական քայլերի համար․ ՏԱՍՍ
Գերմանիան շահագրգռված է ՀՀ-ից ռուս սահմանապահների շուտափույթ դուրսբերմամբ, դրա և հակառուսական որոշ այլ քայլերի դիմաց Բեռլինը ֆինանսական օգնություն է առաջարկում Երևանին։ Այս մասին ՏԱՍՍ-ին հայտնել Է իրազեկ աղբյուրը։
«Գերմանիան ձգտում է Հայաստանին ներքաշել Արևմուտքի հակառուսական քաղաքականության մեջ։ Բեռլինի խնդիրն է հնարավորինս վիճաբանություն ստեղծել Երևանի և Մոսկվայի միջև: Գերմանացիները շահագրգռված են հայկական տարածքից ռուս սահմանապահների շուտափույթ դուրսբերմամբ և երկրի իշխանությունների կողմից իրենց պետական ապարատի մաքրմամբ Ռուսաստանի նկատմամբ բարյացակամ տրամադրված անձանցից, ներառյալ զինված ուժերի, հատուկ ծառայությունների և իրավապահ մարմինների լյուստրացիան: Փոխարենը Բեռլինն առաջարկում է Երևանին ֆինանսատեխնիկական աջակցություն ցուցաբերել, ինչպես նաև աջակցություն ցուցաբերել Նիկոլ Փաշինյանի կառավարության ջանքերին՝ ԼՂ-ի հայերին Եվրոպական Միության երկրներ զանգվածային արտագաղթից զերծ պահելու համար»,- նշել է գործակալության զրուցակիցը։
Ավելի վաղ ՌԴ ԱԳ նախարար Սերգեյ Լավրովը 2023 թվականի արդյունքներով ՏԱՍՍ-ին տված բացառիկ հարցազրույցում հայտարարել էր, որ Երևանը, ենթարկվելով Արևմուտքի հորդորներին, փորձում է Մոսկվայի հետ դաշինքը փոխել մշուշոտ խոստումներով։ Ըստ ռուս նախարարի՝ Երևանը փորձում է Ռուսաստանին մեղադրել բոլոր դժբախտությունների, այդ թվում՝ Ղարաբաղի կորստի համար՝ ռազմավարական շրջադարձի ուղղությունն արդարացնելու համար։ Սակայն, ինչպես նշել Է Լավրովը, Հայաստանը Ռուսաստանի համար եղել և մնում է ռազմավարական գործընկեր Հարավային Կովկասում։
