ՏԵՍԱՆՅՈՒԹ. Նորածին երեխային ձյան մեջ նետած բլոգերը խոսել է իր արարքի մասին
Բլոգեր Սերգեյ Կոսենկոն ներողություն է խնդրել իր հետևորդներից երկու ամսական որդուն ձնակույտի մեջ նետելու համար։
Նա հայտնել է, որ տեսանյութը վաղուց է տեսել և ուզում էր կրկնել: «Մենք գտանք մանեկենի տիկնիկ, հագցրինք նրան Լեոյի շորերը, տեսահոլովակ նկարահանեցինք և վերևում դրեցինք դեմք և դեմքի արտահայտություններ»,- պարզաբանել է բլոգերը։
Համացանցում իր հիմնավորումներում նա պնդում է, որ ինքը ոչ թե երեխային, այլ տիկնիկն է նետել և մոնտաժի միջոցով տեղադրել որդու դեմքը։
«Բոլորից ուզում եմ ներողություն խնդրել, ես չէի ուզում վնասել ձեզ և ձեր էմոցիոնալ վիճակը: Նման տեսանյութը, հատկապես կենդանի երեխաների հետ, չպետք է կրկնվի»,- գրել է Կոսենկոն։
Հիշեցնենք` ավելի վաղ հայտնել էինք, որ Պետդումայի պատգամավոր Նինա Օստանինան հայտարարել է, որ պատրաստվում է դիմել ՌԴ Քննչական կոմիտե՝ բլոգեր Սերգեյ Կոսենկոյի նկարահանած՝ իր նորածին որդու մասնակցությամբ տեսանյութի պատճառով:
