ՏԵՍԱՆՅՈՒԹ․ Քրեական գործ՝ բլոգերի նկատմամբ․ նա երեխային նետել է խորը ձնակույտի մեջ
Պետդումայի պատգամավոր Նինա Օստանինան հայտարարել է, որ պատրաստվում է դիմել ՌԴ Քննչական կոմիտե՝ բլոգեր Սերգեյ Կոսենկոյի նկարահանած՝ իր նորածին որդու մասնակցությամբ տեսանյութի պատճառով:
Ավելի վաղ սոցցանցերում տարածվել էր տեսանյութ, որում բլոգերը երկու ամսական որդուն օդ է նետում, և նա ընկնում է խորը ձնակույտի մեջ։ Քննադատական մեկնաբանությունների ի հայտ գալուց հետո բլոգերը հայտարարել է, որ դա երեխայի հագուստով տիկնիկ է, սակայն ոչ բոլոր օգտատերերն են հավատացել այդ բացատրությանը:
«Կոսենկոյի արարքը համարում եմ ոչ միայն անբարոյական, այլև հանցավոր»,- հայտարարել է Օստանինան:
Օստանինայի խոսքով՝ եթե անգամ Կոսենկոն տիկնիկ է նետել, ապա դա, միեւնույն է, վարքի անմարդկային մոդել է:
