Ինչ վիճակում է Պենտագոնի ղեկավարը. մանրամասներ
ԱՄՆ պաշտպանության նախարար Լլոյդ Օսթինը դուրս է գրվել ինտենսիվ թերապիայից, սակայն վատառողջ է։ Այս մասին ասվում է Պենտագոնի մամուլի քարտուղար Պատրիկ Ռայդերի հայտարարության մեջ, որը երկուշաբթի օրը հրապարակել է ռազմական գերատեսչության մամուլի ծառայությունը, հայտնում է ТАСС–ը։
Ռայդերի խոսքով՝ պաշտպանության նախարարության ղեկավարը շարունակում է բուժվել Վաշինգտոնից դուրս գտնվող Ուոլթեր Ռիդ ազգային բժշկական կենտրոնում (Մերիլենդ)։ «Նա այլևս վերակենդանացման բաժանմունքում չէ և ապաքինվում է հիվանդանոցի ավելի մեկուսացված հատվածում: Նա վատառողջ է մնում, բայց կանխատեսումը լավ է», - ասել է Պենտագոնի ներկայացուցիչը:
Նա նշել է, որ հունվարի 8-ին Օսթինը հեռախոսով զրուցել է իր տեղակալ Քեթլին Հիքսի հետ՝ ազգային անվտանգության գծով նախագահի օգնական Ջեյք Սալիվանի հետ, ինչպես նաև ստացել է վերջին տեղեկությունը ԱՄՆ Կենտրոնական հրամանատարության ղեկավար, գեներալ Մայքլ Կուրիլլայից։ «Մենք դեռ նրա դուրսգրման ճշգրիտ ամսաթիվը չունենք, բայց մինչ այդ ամեն օր կհրապարակենք նոր տվյալներ», - ասսել է Ռայդերը:
Սպիտակ տան ազգային անվտանգության խորհրդի ռազմավարական հաղորդակցությունների համակարգող Ջոն Քիրբին ասել է, որ ԱՄՆ նախագահ Ջո Բայդենը չի ծրագրում պաշտոնանկ անել Օսթինին, սակայն Վաշինգտոնի վարչակազմը վերանայում կանցկացնի այն պատճառով, որ Պենտագոնը անհապաղ չի տեղեկացրել իր ղեկավարին հոսպիտալացման մասին։ .
ԱՄՆ Կոնգրեսի անդամներն ավելի վաղ Օսթինից պահանջել էին բացատրել, թե ինչու Պենտագոնը չի ծանուցել հանրությանը և իշխանություններին տեղի ունեցածի մասին։ Politico թերթը հայտնել է, որ պաշտպանության նախարարությունը երեք օր գաղտնի է պահել նախարարի գտնվելու վայրի մասին տեղեկությունը Սպիտակ տնից։ Պենտագոնի ղեկավարը հունվարի 1-ին հոսպիտալացվել էր վերջերս կատարված բժշկական միջամտության պատճառով առաջացած բարդությունների պատճառով։
