Ֆրանսիան Ադրբեջանից պահանջում է ազատ արձակել կամայականորեն ձերբակալված իր քաղաքացուն
Ֆրանսիան երեքշաբթի մեղադրել է Ադրբեջանին ֆրանսիացի Մարտին Ռայանին կամայականորեն կալանավորելու մեջ և պահանջել է նրան անհապաղ ազատ արձակել այն բանից հետո, երբ Ֆրանսիայում Բաքվի դեսպանն ասել է, որ տղամարդը ձերբակալվել է լրտեսության կասկածանքով։
Ֆրանսիայում Ադրբեջանի դեսպան Լեյլա Աբդուլաեւան երեքշաբթի ավելի վաղ Reuters-ին ասել է, որ Ֆրանսիայի քաղաքացի Մարտին Ռայանը ձերբակալվել է դեկտեմբերի 4-ին՝ «լրտեսական գործողություններ կատարելու կասկածանքով»։
«Մենք սերտ կապի մեջ ենք նրա ընտանիքի հետ, և Բաքվում Ֆրանսիայի դեսպանատունը հյուպատոսական պաշտպանության շրջանակներում երկու անգամ կարողացել է այցելել մեր հայրենակցին», - ասել է Ֆրանսիայի ԱԳՆ-ն՝ հավելելով, որ խնդրել է նոր հանդիպում նրա հետ։
«Քանի որ մենք արդեն հնարավորություն ենք ունեցել տեղեկացնելու Ադրբեջանի իշխանություններին, այս կալանավորումը համարում ենք կամայական և պահանջում ենք անհապաղ ազատ արձակել մեր հայրենակցին»,- նշվում է հայտարարությունում։
