Ադրբեջանում ավարտվել է նախագահի թեկնածուների գրանցման գործընթացը. հայտնի է նրանց թիվը

Ադրբեջանում ավարտվել է նախագահի թեկնածուների գրանցման գործընթացը: Այսպիսով` 2024 թվականի փետրվարի 7-ին կայանալիք արտահերթ նախագահական ընտրությունում Կենտրոնական ընտրական հանձնաժողովը գրանցել է 7 թեկնածուի:

Գրացվել են գործող նախագահ Իլհամ Ալիևի, անկախ թեկնածուներ Զահիդ Օրուջի և Ֆուադ Ալիևի, «Ազգային ճակատ» կուսակցությունից Ռազի Նուրուլաևի, «Մեծ արարումից»՝ Ֆազիլ Մուստաֆայի, «Մեծ Ադրբեջանից»՝ Էլշադ Մուսաևի, «Ամբողջական Ադրբեջանի ժողովրդական ճակատից»՝ Գուդրաթ Հասանգուլիևի թեկնածությունները:

Նշենք, որ ավելի վաղ հաղորդվել էր, որ ԿԸՀ-ն հաստատել է նախագահի առաջիկա ընտրությունում 17 անձի թեկնածության առաջադրումը, սակայն նրանցից 10-ը հանձնաժողով չեն ներկայացրել թեկնածության գրանցման համար անհրաժեշտ փաստաթղթերը:

Հիշեցնենք` դեկտեմբերի 7-ին Իլհամ Ալիևը հրամանագիր է ստորագրել 2024 թվականի փետրվարի 7-ին հանրապետությունում արտահերթ նախագահական ընտրություններ անցկացնելու մասին։