ՏԵՍԱՆՅՈՒԹ. Ռուս նախարարն անիծել է իր դեմ բողոք գրած աշխատակցի ընտանիքին
Պետք է չորանա այն մարդու ձեռքը, որն ինձ վրա բողոք է գրել: Վոլգոգրադի արտակարգ իրավիճակների նախարարության ղեկավարը անիծել է իր դեմ բողոք գրած աշխատակցի ընտանիքին:
Վոլգոգրադի մարզի Արտակարգ իրավիճակների նախարարության ղեկավար Նիկոլայ Լյուբավինի հայտարարություններով տեսանյութը հրապարակվել է համացանցում:
«Գրել են, որ ես լոբբինգ եմ իրականացրել Otkritie բանկի համար: Դատախազությունը հետաքննություն է անցկացրել։ Որ իմ կինն աշխատում է բանկում, որ Լյուբավինը ստանում է արտոնություններ և այլն: Ով սա գրել է, նրա ձեռքերը պետք է չորանան, և նրա ամբողջ ընտանիքը պետք է հիվանդանա չարորակ ուռուցքով»-, ասել է պաշտոնյան:
Թե կոնկրետ երբ է տեսագրվել տեսանյութը հայտնի չէ։
Արտակարգ իրավիճակների նախարարության հրապարակման աղբյուրը պնդում է, որ ձայնագրությունն արվել է «վաղուց», և Լյուբավինն ու նրա ենթակաները միմյանց դեմ բողոքներ են գրել Արտակարգ իրավիճակների նախարարության ղեկավարությանը: Պետդումայի պատգամավոր Ալեքսանդր Խինշտեյնը պնդում է, որ Վոլգոգրադի արտակարգ իրավիճակների նախարարության ղեկավարի նկատմամբ ստուգում է նշանակվել։
